សៀមរាប៖ សមាគមកាយឬទ្ធិនារី នឹងរៀបចំមហាសន្និបាត មិត្តកាយឫទ្ធិនារីតំបន់អាស៊ីប៉ាស៊ីហ្វិក លើកទី៧ ក្រោមប្រធានបទ "ស្រមៃមើលឱកាស"។

មហាសន្និបាត នឹងរៀបចំឡើងនៅថ្ងៃទី៥ រហូតដល់ ថ្ងៃទី៨ ខែវិច្ឆិកា ឆ្នាំ២០២៣ នៅក្នុងខេត្តសៀមរាប ខណៈសមាគមកាយឬទ្ធិបានបញ្ជាក់ថា បានត្រៀមរួចរាល់សំរាប់កម្មវិធីដែលនិងមកដល់ក្នុងពេលឆាប់ៗខាងមុខនេះ។

ជាមួយគ្នានេះដែរ អគ្គស្នងការនៃសមាគមកាយឬទ្ធិនារីកម្ពុជា លោកស្រី ពេជ ចន្ទមុនី្ន ហ៊ុនម៉ាណែត បានឱ្យដឹងនាថ្ងៃព្រហស្បត្តិ៍ ទី២៦ ខែតុលា ឆ្នាំ២០២៣នេះថា៖ «យើងបានត្រៀមរួចរាល់ហេីយសំរាប់កម្មវិធីដែលនិងមកដល់ក្នុងពេលឆាប់ៗនេះ។ សូមអរគុណដល់ក្រុមការងារទាំងអស់ដែលបានខិតខំប្រឹងប្រែង»។

គួរឱ្យដឹងដែរថា លោកស្រី ពេជ ចន្ទមុនី្ន ហ៊ុនម៉ាណែត បានចុះពិនិត្យមើលទីតាំងសម្រាប់ការរៀបចំមហាសន្និបាតខាងលើនាឯខេត្តសៀមរាប កាលពីថ្ងៃទី២៥ ខែតុលា ឆ្នាំ២០២៣ បន្ទាប់ពីលោកស្រីបាន អញ្ជើញទៅទស្សនកិច្ចនៅអាកាសយានដ្ឋានអន្តរជាតិសៀមរាបអង្គរ៕